Պլաստիկ և էսթետիկ վիրաբուժության բաժանմունք

Պլաստիկ և էսթետիկ վիրաբուժության բաժանմունք

«Իզմիրլյան» ԲԿ Պլաստիկ վիրաբուժության բաժանմունքը գործել է դեռևս 1999 թ-ից: Այն հանրապետությունում առաջիններից մեկն էր: 2004թ. բաժանմունքը տրոհվեց և դարձավ Պլաստիկ վիրաբուժության ծառայություն Քիթ-կոկորդ-ականջաբանության բաժանմունքի կազմում:
2014-2016թթ, պայմանավորված հիվանդների մեծ հոսքով, որոշում կայացվեց ստեղծել երկու առանձին բաժանմունքներ՝ Քիթ-կոկորդ-ականջաբանության և Պլաստիկ վիրաբուժության:

Այսօր Պլաստիկ և Էսթետիկ վիրաբուժության բաժանմունքն ունի երեք պլաստիկ և մեկ դիմածնոտային վիրաբույժ:
Բաժանմունքը ղեկավարում է Գևորգ Ֆելիքսի Կարապետյանը:

Բաժանմունքը հագեցած է միջազգային ստանդարտներին համապատասխանող սարքավորումներով:

Բաժանմունքում կատարվում են պլաստիկ վիրահատություններ ամբողջական ծավալով՝ դեմքի պլաստիկա, քթի, ականջների, կոպերի վիրահատություններ, դեմքի մաշկի, պարանոցի ձգում, կրծքերի պլաստիկա, որովայնի առաջային պատի և ազդրերի պլաստիկ վիրահատություններ:

Դրանք կատարվում են վիրահատական և նորագույն տեխնոլոգիաներով, ինչպիսիք են մարմնի ուրվագծային շտկումներ իրականացնող և մաշկի որակական չափանիշները փոխող լիպոսակտորը:
Պատերազմի ընթացքում և դրանից հետո «Իզմիրլյան» ԲԿ Պլաստիկ և Էսթետիկ վիրաբուժության բաժանմունքը սպասարկել է մեծ թվով զինծառայողների:

Պլաստիկ և էսթետիկ վիրաբուժության բաժանմունքում գործում է վերջույթների վիրաբուժության /միկրովիրաբուժություն/ ծառայություն, որտեղ կատարվում են․

Հրատապ միկրովիրաբուժական միջամտություններ /24 ժամվա ընթացքում/

Վերջույթների նյարդերի բաց և փակ վնասվածքների բուժում, գոյացությունների հեռացում

Գիգրոմա/հիգրոմաների հեռացում

Կարպալ թունելի և վերջույթների կոմպրեսիոն նեյրոպատիաների վիրաբուժական բուժում

Դաստակի ջլերի բաց և փակ վնասվածքների բուժում

Ներաճած եղունգների հեռացում

Եղունգների բարորակ և չարորակ գոյացությունների հեռացում

Մաշկի նեմուսների՝ խալերի  բարորակ և չարորակ /մելանոմա/ գոյացությունների հեռացում

Լիպոմաների, ֆիբրոադենոմաների հեռացում