Սպորտային վնասվածքների և խոշոր հոդերի վիրաբուժության բաժանմունք

Սպորտային վնասվածքների և խոշոր հոդերի վիրաբուժության բաժանմունք

Սպորտային վնասվածքները մի շարք նրբություններով տարբերվում են ընդհանուր վնասվածքաբանության խնդիրներից: Ոչ գրագետ միջամտության դեպքում մարզիկը կարող է կորցնել իր սպորտային հմտություններն ու այդ բնագավառի համար «ոչ պիտանի» դառնալ: Այդ պատճառով բուժական անձնակազմի նեղ մասնագիտացված կրթությունն ու համապատասխան տեխնիկական հագեցվածությունը պարտադիր պայմաններ են սպորտային վնասվածքի վերականգնման համար:
Այդ նպատակով 2021թ. որոշում կայացվեց Սպորտային վնասվածքներն առանձնացնել ընդհանուր վնասվածքներից և ստեղծվեց Սպորտային վնասվածքների և խոշոր հոդերի վիրաբուժության բաժանմունքը:

Բաժանմունքի հագեցվածությունը

Բաժանմունքը հագեցած է նորագույն տեխնոլոգիաներով: Բաժանմունքում աշխատում են մասնագիտական բարձր որակավորում ունեցող բժիշկ-վնասվածքաբաններ, որոնք մշտապես վերապատրաստվում են:

Ամենատարածված վնասվածքները

Դրանցից առաջինը սրունք-թաթային շրջանի վնասվածքներն են: Տարածված են նաև ծնկան հոդի վնասվածքները`ջլային ապարատի, մենիսկների հետ կապված խնդիրները,որոնց դեպքում կարող են տեղի ունենալ անվերադարձ փոփոխություններ,հոդի ու աճառի քայքայումներ, եթե ճիշտ ժամանակին չարվեն ախտորոշումն ու վիրահատական միջամտությունը: Հաճախ հանդիպող խնդիրներից են ուսային հոդի շրջանի մկանաջլային հյուսվածքների վնասվածքները, որոնց համար առանձնահատուկ մոտեցում է պահանջվում այսպես կոչված` “overhead activity” մարզաձևերի դեպքում (լող, թենիս, վոլեյբոլ, բասկետբոլ և այլն): Շատ են հանդիպում նաև արմնկային ու դաստակային հոդերի հետ կապված վնասվածքները: 

Ի՞նչ է արվել մինչ օրս

Բաժանմունքում վիրահատական միջամտություն է ստացել մոտ 500 մարզիկ՝ ինչպես Հայաստանից, այնպես էլ արտերկրից (Վրաստան, Ռուսաստան, Ղազախստան, Ուկրաինա, անգամ Գերմանիա և Նիգերիա): Մինչ այժմ այստեղ կատարվել է շուրջ 2500 տարաբնույթ վիրահատություն, մասնավորապես՝ ծնկան հոդի խաչաձև և կողմնային կապանների ռեկոնստրուկտիվ վիրահատություններ, մենիսկների վերականգնման վիրահատություններ,ինչպես նաև աճառային հետտրավմատիկ դեֆեկտների վերականգնում, մոզաիկոպլաստիկա և այլն:

Հայտնի մարզիկներ՝ մեր բաժանմունքում

Բաժանմունքի մասնագիտացված անձնակազմի շնորհիվ՝ պրոֆեսիոնալ սպորտ են վերադարձել այնպիսի անվանի մարզիկներ, ինչպիսիք են Ռոման Ամոյանը /ըմբշամարտի Եվրոպայի բազմակի չեմպիոն/, Նազիկ Ավդալյանը /ծանրամարտի աշխարհի չեմպիոն/ և այլոք:

Իրենց առողջությունը (հին վնասվածքներով) մեզ են վստահել այնպիսի լեգենդար մարզիկներ, ինչպիսիք են օլիմպիական եռակի չեմպիոն Ալբերտ Ազարյանը, Արարատ 73-ի անվանի շատ ֆուտբոլիստներ: