Ճառագայթային ախտորոշման բաժանմունք

2015թ. հիմնադրված «Իզմիրլյան» բժշկական կենտրոնի ռադիոլոգիայի բաժանմունքը հագեցած է գերժամանակակից բժշկական տեխնիկայով: Բաժանմունքում առկա են մագնիսա-ռեզոնանսային տոմոգրաֆ, համակարգչային տոմոգրաֆ, թվային ռենտգեն և երկու սոնոգրաֆիկ սարք:

Ռադիոլոգիայի բաժանմունքը համագործակցում է բժշկական կենտրոնի բոլոր բաժանմունքների հետ: Ռադիոլոգիայի ընձեռած հնարավորություններն օգնում են բժշկին ունենալ ճշգրիտ ախտորոշում, ստանալ մանրակրկիտ տեղեկատվություն առողջական խնդիրների, դրանց տեղակայման ու տարածվածության մասին, ինչն էլ թույլ է տալիս ավելի ճիշտ կազմակերպել բուժումը:
Ռադիոլոգիայի բաժանմունքում աշխատում են երիտասարդ, առաջատար և փորձառու մասնագետներ, ովքեր համագործակցում են Ռադիոլոգների հայկական ասոցիացիայի հետ, մասնակցում են տարեկան ժողովների, պարբերաբար վերապատրաստվում են Հայաստանի սահմաններից դուրս:

«Իզմիրլյան» բժշկական կենտրոնի մագնիսա-ռեզոնանսային տոմոգրաֆն ունի 1,5 տեսլա հզորություն և ծրագրային մեծ հնարավորություններ:
Մագնիսա-ռեզոնանսային տոմոգրաֆիան (ՄՌՏ) համարվում է ախտորոշիչ մեթոդ և իր անփոխարինելի դերն ունի բազմաթիվ հիվանդությունների ախտորոշման մեջ` հատկապես կենտրոնական նյարդային համակարգի, հենաշարժական համակարգի, ինչպես նաև որովայնի պարենխիմատոզ օրգանների պատկերման համար: 
Համակարգչային տոմոգրաֆիան ճառագայթային առավել ինֆորմատիվ ախտորոշման մեթոդ է, քան սովորական ռենտգեն հետազոտությունը: Այն ռենտգեն ճառագայթների միջոցով տալիս է ներքին օրգանների շերտավոր պատկերը: Համակարգչային տոմոգրաֆիայի ընթացքում ստացված ինֆորմացիան թույլ է տալիս տարբերակել օրգանների անատոմիական և ֆիզիոլոգիան փոփոխությունները: 

Կարող եք զանգահարել և գրանցվել երկուշաբթիից ուրբաթ, ժամը 9:00-17:00
Համակարգչային տոմոգրաֆիա (ՀՏ) +374 (77) 75-75-30
Մագնիսա-ռեզոնանսային տոմոգրաֆիա (ՄՌՏ) +374(96) 68-40-04, +374(98) 43-00-14 հեռախոսահամարներով