Տեղեկատվություն
«ԻԶՄԻՐԼՅԱՆ» բժշկական կենտրոնը հանդիսանում է «Սուրբ Ներսես Մեծ» գիտակրթական և ուսումնական կենտրոնի և ՀՀ Առողջապահության նախարարության Լ. Նազարովի անվան Պրոկտոլոգիայի գիտահետազոտական ինստիտուտի իրավահաջորդը: 2000 թ. ինստիտուտը սեփականաշնորհվեց Հայկական Բարեգործական Ընդհանուր Միության կողմից: 2001թ.-ին նվիրաբերվեց Մայր Աթոռ Սուրբ Էջմիածնին և Սուրբ Ներսես Մեծ գիտա-բժշկական կենտրոնին:
2012թ.-ին Բժշկական կենտրոնը վերանվանվեց «Իզմիրլյան» ԲԿ՝ ի պատիվ հայ մեծ բարերարի, որը մեծ ներդրում ունեցավ հիվանդանոցի վերազինման հարցում:
«Իզմիրլյան» ԲԿ-ն բազմապրոֆիլ հիվանդանոց է` հագեցած նորագույն, ժամանակակից բժշկական սարքավորումներով, հմուտ, փորձառու և բարձր որակավորում ունեցող մասնագետներով: «Իզմիրլյան» ԲԿ-ում տարեկան կատարվում է շուրջ 8.000-ից ավելի վիրահատական միջամտություն, ախտորոշիչ և լաբորատոր տարբերակներով հետազոտվում է շուրջ 25.000 մարդ: «Իզմիրլյան» ԲԿ-ն հանդիսանում է Երևանի Մ. Հերացու անվան պետական բժշկական համալսարանին, Ազգային առողջապահության ինստիտուտի գիտաուսումնական բազա:
Ներկայում «Իզմիրլյան» ԲԿ–ում գործում են հետևյալ բաժանմունքները.
- Ուրոլոգիական բաժանմունք
- Օրթոպեդիայի և վնասվածքաբանության բաժանմունք
- Կոլոպրոկտոլգիայի բաժանմունք
- Ընդհանուր պրոկտոլոգիայի բաժանմունք
- Ընդհանուր և լապարասկոպիկ բաժանմունք
- Քիթ-կոկորդ-ականջաբանական բաժանմունք
- Անոթային վիրաբուժության բաժանմունք
- Անեսթեզիոլոգիա և ինտեսիվ թերապիայի բաժանմունք
- Կոնսուլտացիոն-ախտորոշիչ բաժանմունք
- Թոքաբանություն
- Սրտաբանություն
- Գաստրոէնտերոլոգիա
- էնդոկրինոլոգիա
- Ալերգոլոգիա
- Ռևմատոլոգիա
- էնդոսկոպիա
- Մաշկաբանություն
- Գինեկոլոգիա
- Ընդհանուր և բիոքիմիական լաբորատորիա
- Բակտերոլոգիական լաբորատորիա
- Ախտաբանական հյուսվածքաբանական լաբորատորիա
- Ստոմատոլոգիա
- Ընդհանուր նյարդաբանության և ցավի կենտրոն
- Ճառագայթային ախտորոշման բաժանմունք
- Ռենտգեն հետազոտություն
- ՈՒՁ հետազոտություն/դոպլեր և դուպլեքս/
- Համակարգչային տոմոգրաֆիա (КТ)
- Մագնիսա-ռեզոնանսային տոմոգրաֆիա (МРТ)
- Դեղատուն
Մեր Կենտրոնի բաժանմունքներն ակտիվորեն համագործակցում են սփյուռքահայ անվանի բժիշկների հետ: Մասնավորապես, Ուրոլոգիական կլինիկան համագործակցում է Կարո Դերձակյանի հետ, ով Ռենալ տրանսպլանտացիայի ծրագրի տնօրենն է ԱՄՆ Արևմտյան Կալիֆորնիայի բժշկական կենտրոնում: Օրթոպեդիայի և սպորտային վնասվածքաբանության բաժանմունքը համագործակցում է Ֆրանսուա Անտոնյանի հետ, ով աշխատում է Սան Ռաֆայելի բժշկական կենտրոնի Օրթոպեդիկ վիրաբուժության բաժանմունքում (Կայզեր Պերմանենտե): Ընդհանուր վիրաբուժության բաժանմունքը համագործակցում է ՌԴ Ն.Ն. Բլոխինի անվան Օնկոլոգիական գիտական կենտրոնի ավագ գիտ.աշխատող` Բ.Գ.Դ. Խաչատուր Բադալյանի հետ: 2008 թ. հուլիսից սկսած՝ «Իզմիրլյան» ԲԿ-ում սկսվել են հիմնավոր վերանորոգման և նոր մասնաշենքի կառուցման լայնածավալ նախապատրաստական աշխատանքները:
Կենտրոնը վերակառուցվել է և հագեցվել նորագույն ժամանակակից բժշկական սարքավորումներով և գործիքներով:
Մեդիա
