Կոնսուլտացիոն ախտորոշիչ բաժանմունք

Կոնսուլտացիոն-ախտորոշիչ բաժանմունք

Կոնսուլտացիոն-ախտորոշիչ բաժանմունքը գործում է բժշկական կենտրոնի հիմնադրման օրվանից: Բաժանմունքը տարիների ընթացքում ընդլայնվել է, ունի բազմաթիվ ծառայություններ և մեծ թվով նեղ մասնագետներ, որոնք սպասարկում են ինչպես ամբուլատոր, այնպես էլ ստացիոնար հիվանդների:

 
Հիմնական գործունեության ուղղությունները

Բաժանմունքը ներառում է և՛ հետազոտական լաբորատոր-ախտորոշիչ, և՛ բուժական ծառայություններ:
2017-ից բաժանմունքն ընդունում է սոցփաթեթի շահառուների, ովքեր իրենց տարեկան բուժկանխարգելիչ զննումն անցնում են մեր բուժհաստատությունում: Անհրաժեշտության դեպքում իրականացվում է կրկնակի լաբորատոր և գործիքային հետազոտություններ:

 
Տեխնիկական հագեցվածությունը

Ախտորոշիչ բաժանմունքը հագեցած է բարձրակարգ սարքավորումներով, որոնց շնորհիվ ախտորոշումն առավել որակյալ և վստահելի է դառնում: 

Բաժանմունքում իրականացվող ծառայությունները

Կոնսուլտացիոն-ախտորոշիչ բաժանմունքում մատուցվում են հետևյալ ծառայությունները`

• գաստրոէնտերոլոգիական,
• էնդոկրինոլոգիական,
• սրտաբանական,
• նյարդաբանական,
• թոքաբանական,
• գինեկոլոգիական,
• ռևմատոլոգիական,
• ալերգոլոգիական,
• մաշկավեներոլոգիական,
• համաճարակաբանական,
• մորֆոլոգիական,
• էնդոսկոպիկ ծառայություններ:

Բոլոր մասնագետները պրոֆեսիոնալ են իրենց գործում, կատարում են համակարգված, թիմային աշխատանք, որի արդյունքում ունենում ենք ախտորոշման և բուժման բարձր արդյունավետություն:

Որտ՞եղ և ինչպե՞ս են վերապատրաստվում մասնագետները

Բաժանմունքում կատարվում են գիտական աշխատանքներ, բժիշկների հիմնական մասը գիտությունների թեկնածուներ են , ունենք նաև գիտությունների դոկտոր։ Բժիշկները դասախոսում են ԵՊԲՀ-ում և դասախոսություններ են կարդում դեղագործական ընկերությունների կողմից կազմակերպած գիտաժողովներին: Մշտապես վերապատրաստվում են և՛ արտերկրում, և՛ նախկին ԱՊՀ երկրներում, և՛ ՀՀ-ում:

 
Բաժանմունքի ձեռքբերումները

«Իզմիրլյան» ԲԿ ձեռքբերումներից է Ֆրանկոֆոնիայի գագաթնաժողովի մասնակիցների բուժսպասարկումը, որն իրականացրին կոնսուլտացիոն-ախտորոշիչ բաժանմունքի բժիշկները։ Բաժանմունքի մասնագետները մշտապես հետևում են գիտության վերջին զարգացումներին, նորամուծություններին, դեղորայքային բուժման նոր մեթոդներին, աշխատում ընտրել ամենաարդյունավետը, ապաքինման առավել արագ և անվնաս տարբերակները: Մեր հաջողության գրավականը՝ համակարգված արհեստավարժ թիմային աշխատանքն է։
 
Գործընկերները, համագործակցություն

Բաժանմունքը համագործակցում է տարբեր երկրների մասնագետների հետ: Տարին մի քանի անգամ կենտրոնը հյուրընկալում է գործընկերների Գերմանիայից և ԱՄՆ-ից, որոնք մեր բժիշկների հետ համատեղ իրականացնում են վիրահատություններ և խորհրդատվություն: