Մուրճանման մատ
Մրճանման մատ (մուրճանման մատ) - ձեռքի կամ ոտքի մատի դեֆորմացիա է, որը խաթարում է դրա բնականոն դիրքը և գործառույթը: Այս վիճակը կարող է լինել բնածին կամ ձեռքբերովի և կարող է առաջանալ վնասվածքի, քրոնիկ գերօգտագործման կամ հոդերի և ջլերի խանգարումների հետևանքով: Կախված պատճառից՝ դեֆորմացիան ուղեկցվում է ցավով, շարժումների սահմանափակմամբ, բռնվածքի ուժի նվազմամբ կամ քայլելիս անհարմարությամբ:
Իզմիրլյան Բ/Կ-ի պլաստիկ և էսթետիկ վիրաբուժության բաժանմունքը ախտորոշում և վիրաբուժական եղանակով բուժում է մատների և ոտքերի մատների տարբեր տեսակի դեֆորմացիաներ: Ժամանակակից մեթոդները թույլ են տալիս վերականգնել մատի անատոմիական դիրքը, դրա ֆունկցիոնալությունը և բարելավել տեսքը:
Մրճանման մատի առաջացման պատճառները
Դեֆորմացիայի զարգացման պատճառները կախված են նրանից ախտահարված են արդյոք ոտքի կամ ձեռքի մատը։
Ձեռքի մատների դեպքում ամենատարածված պատճառներն են՝
- մկանների տարածող ջլի վնասվածքները և պատռվածքները,
- սպորտային վնասվածքները,
- կապտուկները և հոդախախտումները,
- ֆալանգային կոտրվածքները,
- ջլի դեգեներատիվ փոփոխությունները։
Ոտքի մատների դեպքում ամենատարածված պատճառներն են՝
- երկար ժամանակ նեղ կոշիկներ կրելը,
- հարթաթաթությունը,
- ոտնաթաթի վալգուսային դեֆորմացիան
- ռևմատոիդ արթրիտը,
- նյարդամկանային համակարգի հիվանդությունները,
- ժառանգական նախատրամադրվածությունը։
Առանց բուժման, հիվանդությունը կարող է զարգանալ՝ հանգեցնելով շարժումների մշտական սահմանափակման, քրոնիկ ցավի և ծանր դեֆորմացիայի։
Ախտանիշներ
Հիմնական ախտանիշներն են՝
- մատի ձևի փոփոխություն,
- մատը լիովին ձգելու կամ ծսլելու անկարողություն,
- ցավ և անհարմարություն,
- փափուկ հյուսվածքների այտուց,
- ձեռքի կամ ոտքի ֆունկցիայի նվազում,
- կոշտուկների առաջացում (եթե ոտքը ախտահարված է),
- քայլելու բարդություն կամ ձեռքի շարժումների դժվարություն։
Եթե նման ախտանիշներ են հայտնվում, խորհուրդ է տրվում դիմել մասնագետի՝ ախտորոշման համար։
Ախտորոշում
Ախտորոշումը ներառում է.
- վիրաբուժական խորհրդատվություն,
- կլինիկական զննում,
- շարժման տիրույթի գնահատում,
- ռենտգեն,
- փափուկ հյուսվածքների ուլտրաձայնային հետազոտություն,
- անհրաժեշտության դեպքում՝ համակարգչային շերտագրություն կամ մագնիսական ռեզոնանսային պատկերացում (ՄՌՏ):
Համապարփակ հետազոտությունը թույլ է տալիս որոշել դեֆորմացիայի պատճառը և ընտրել բուժման ամենաարդյունավետ մեթոդը:
Վիրաբուժական բուժում
Վիրահատության նպատակն է վերականգնել մատի ճիշտ դիրքը և գործառույթը։
Կախված պաթոլոգիայի բնույթից՝ վիրաբույժը կարող է կատարել.
- վնասված ջլի վերականգնում,
- կապանների և փափուկ հյուսվածքների պլաստիկ վիրահատություն
- հոդերի դեֆորմացիաների շտկում,
- ոսկրային կառուցվածքների ֆիքսացիա,
- վնասվածքներից հետո վերականգնողական վիրահատություն,
- ոտքի կամ ձեռքի մատի դեֆորմացիաների շտկում։
Վիրաբուժական տեխնիկան ընտրվում է անհատապես՝ հիվանդի ամբողջական հետազոտությունից հետո։
Ինչու՞ ընտրել Իզմիրլյան ԲԿ-ն
Իզմիրլյան բժշկական կենտրոնի պլաստիկ և էսթետիկ վիրաբուժության բաժանմունքի մասնագետները կիրառում են ձեռքի և ոտքի վերականգնողական վիրաբուժության ժամանակակից մեթոդներ, որոնք թույլ են տալիս վերականգնել մատների ոչ միայն տեսքը, այլև ամբողջական գործառույթը։
Անհատականացված մոտեցումը, ժամանակակից սարքավորումները և նվազագույն ինվազիվ տեխնոլոգիաների կիրառումը օգնում են հասնել առավելագույն արդյունավետ արդյունքների և կրճատել վերականգնման ժամանակը։