Կարպալ թունելի համախտանիշ․ Պատճառներ և բուժում
Դաստակային թունելի համախտանիշը կամ կարպալ թունելի սինդրոմը ծայրամասային նյարդային համակարգի ամենատարածված խանգարումներից մեկն է, որն առաջանում է դաստակի շրջանում միջին նյարդի սեղմման հետևանքով։ Հիվանդությունն առաջացնում է թմրություն, ծակծկոց, ցավ և զգայունության նվազում բութ մատի, ցուցամատի, միջնամատի և մատնեմատի որոշ հատվածներում։
Պաթոլոգիայի զարգացմանը զուգընթաց կարող է առաջանալ ձեռքի թուլություն, առարկաներ բռնելու դժվարություն և շարժումների ճշգրտության նվազում: Դաստակային թունելի համախտանիշը հաճախ կապված է ձեռքի այլ հիվանդությունների հետ, օրինակ՝ գիգրոմաների։
Կարպալ թունելի համախտանիշը ամենից հաճախ զարգանում է այն մարդկանց մոտ, որոնց աշխատանքը ներառում է ձեռքերի երկարատև, պարբերական լարվածություն՝ համակարգչի մոտ աշխատելը, գործիքներ օգտագործելը, նուրբ ձեռքի աշխատանքներ կատարելը, ինչպես նաև երաժիշտների, վարորդների և այլ մասնագիտությունների տեր մարդկանց մոտ։
Լրացուցիչ ռիսկի գործոններից են դաստակի վնասվածքները, շաքարախտը, վահանաձև գեղձի հիվանդությունը, ռևմատոիդ արթրիտը, հղիությունը և տարիքային հյուսվածքային փոփոխությունները։
Կարպալ թունելի սինդրոմի ախտանիշներն են՝
- մատների թմրություն և ծակծկոց;
- ցավ դաստակի հատվածում, որն ուժեղանում է գիշերը;
- մատների մեջ այրոցի զգացողություն կամ կրակոցային ցավ;
- ձեռքի թուլություն և բռնելու ուժի նվազում;
- ձեռքից առարկաներիը ընկնում
- սովորական գործունեության սահմանափակում։
Իզմիրլյան բժշկական կենտրոնում ատորոշումը սկսվում է մասնագետի խորհրդատվությունից, կլինիկական հետազոտությունից և նյարդաբանական ախտանիշների գնահատմամբ։ Անհրաժեշտության դեպքում նշանակվում են լրացուցիչ ուսումնասիրություններ, այդ թվում՝ էլեկտրոնեյրոմիոգրաֆիա և գործիքային ախտորոշիչ մեթոդներ, որոնք թույլ են տալիս որոշել միջնակ նյարդի վնասման աստիճանը և ընտրել բուժման արդյունավետ տարբերակը:
Հիվանդության վաղ փուլերում հնարավոր է կոնսերվատիվ թերապիա՝ դաստակի վրա ծանրաբեռնվածության սահմանափակում, օրթեզների կիրառում, դեղորայքային բուժում և ֆիզիոթերապևթիկ պրոցեդուրաներ։ Այնուամենայնիվ, նյարդի արտահայտված սեղման ժամանակ կամ կոնսերվատիվ բուժման ազդեցության բացակայության դեպքում խորհուրդ է տրվում վիրաբուժական միջամտություն:
Դաստակային թունելի համախտանիշի վիրահատության նպատակն է թեթևացնել միջնակ նյարդի վրա ճնշումը՝ կտրելով դաստակի լայնակի կապանը։ Այս միջամտությունը թույլ է տալիս վերացնել հիվանդության պատճառը, նվազեցնել ցավն ու թմրությունը, վերականգնել ձեռքի զգայունությունն ու շարժողական ֆունկցիան։ Կախված կլինիկական իրավիճակից, վիրահատությունը կարող է իրականացվել տեղային կամ ընդհանուր անզգայացմամբ։
Իզմիրլյան բժշկական կենտրոնի պլաստիկ և էսթետիկ վիրաբուժության բաժանմունքում դաստակային թունելի համախտանիշի վիրաբուժական բուժումը կատարվում է ժամանակակից մեթոդներով՝ միջազգային չափանիշներին համապատասխան։ Մենք յուրաքանչյուր հիվանդին ցուցաբերում ենք անհատական մոտեցում, նվազագույնի հասցնելով բարդությունների ռիսկը և հնարավորինս արագ վերականգնել ձեռքի գործառույթը։
Անհապաղ բժշկական օգնությունը օգնում է կանխել միջնակ նյարդի անդառնալի վնասումը, պահպանել ձեռքերի լիարժեք շարժունակությունը։ Դաստակային թունելի համախտանիշի առաջին իսկ նշանների դեպքում խորհուրդ է տրվում անհապաղ դիմել մասնագետի, քանի որ վաղ ախտորոշումը զգալիորեն բարելավում է բուժման արդյունավետությունը։