Ջրօրհնեք և Տնօրհնեք «Իզմիրլյան» բժշկական կենտրոնում
11.01.2023
Ջրօրհնեքը Հայ Առաքելական Սուրբ եկեղեցու նվիրական արարողություններից է, որով հիշատակվում է Հորդանան գետում Տեր Հիսուս Քրիստոսի մկրտությունը:
Սուրբ Ծննդյան և Աստվածահայտնության տոնի առթիվ «Իզմիրլյան» ԲԿ-ում տեղի ունեցավ Ջրօրհնեքի և Տնօրհնեքի արարողություն։
«Իզմիրլյան» ԲԿ-ի հոգևոր տեսուչ Տեր Սահակ քահանա Սահակյանը օրհնեց բժիշկներին, հիվանդներին և նրանց հարազատներին:
Սուրբ Մյուռոնով և Խաչով օրհնված ջուրը, հացը և աղը արարողությունից հետո բաժանվեցին հիվանդանոցի անձնակազմին և հիվանդներին:
Քրիստոս ծնավ և հայտնեցավ, օրհնյալ է հայտնությունը Քրիստոսի։