“Իզմիրլյան” բժշկական կենտրոնի էնդոսկոպիկ ծառայությունը հանրապետությունում էնդոսկոպիայի հիմնադիրներից է և կազմավորվել է 1976թ. Երևան քաղաքի 8-րդ կլինիկական հիվանդանոցի պրոկտոլոգիայի բաժանմունքի բազայի հիման վրա։ Այս տարիների ընթացքում կատարվել են ավելի քան 150 000 պլանային և անհետաձգելի ախտորոշիչ էնդոսկոպիկ հետազոտություններ:
1979թ-ից, ծառայությունը համալրվեց նոր համալիր գործիք-սարքավորումներով, իսկ հետազոտությունները սկսեցին իրականացվել անհետաձգելի ցուցումներով (աղեստամոքսային տրակտի տարբեր հատվածների արյունահոսության աղբյուրների հայտնաբերումը, արյունահոսության աստիճանի գնահատումը, հնարավորության դեպքում արյունահոսությունների դադարեցնում, աղիքային անանցանելիության պատճառների ախտորոշում և, որոշ դեպքերու, դրանց էնդոսկոպիկ ճանապարհով բուժում, օտար մարմինների հեռացում)։
Հանրապետությունում առաջին անգամ ֆիբրոէնդոսկոպիան կիրառվեց վիրահատական նպատակներով, 3500-ից ավելի հիվանդների մոտ կերակրափողից,ստամոքսից, հաստ աղիքի տարբեր հատվածներից հեռացվել են ավելի քան 5000-ից ավելի պոլիպներ, թավիկավոր նորագոյացություններ։
1982թ. Ծառայությունը համալրվեց ճապոնական “ՕԼԻՄՊՈՒՍ” ֆիրմայի տեսաէնդոսկոպիկ համալիրով, որը հնարավորություն ընձեռնեց կատարել տեսանկարահանումներ, կուտակել մեծ քանակի արխիվային նյութեր։
Էնդոսկոպիկ ծառայության կուտակված փորձը, տեխնիկական բազան հնարավորություն են տվել տասնյակից ավելի բժիշկների վերապատրաստվել էնդոսկոպիա մասնագիտությամբ, և ներկայիս շատ առաջատար մասնագետներ իրենց առաջին մկրտությունը էնդոսկոպիայի բնագավառում ստացել են մեր բազայի վրա։
Էնդոսկոպիկ կաբինետում կատարվոմ են մի շարք հետազոտություններ և միջամտություններ:
- Էզոֆագոսկոպիա
- Էզոֆագոգաստրոսկոպիա
- էզոֆագոգաստրոդուոդենոսկոպիա
- Ռեկտոսիգմոիդոսկոպիա
- Կոլոնոսկոպիա
- Էնտերոսկոպիա
- Բիոպսիա
- Հելիկոբակտեր պիլորի (Helicobacter pylori) բակտերիակրության որոշում
- Արյունահոսությունների դադարեցում տարբեր եղանակներով
- Օտար մարմինների հեռացում
- Փոքր պոլիպների էլեկտրոկոագուլյացիա տեղում
- 0,5սմ-ից մեծ պոլիպների հեռացում` դիաթերմիկ օղակներով
1701 Էզոֆագոգաստրոսկոպիա
7.000
1702 Էզոֆագոգաստրոդուոդենոսկոպիա
15.000
1703 Էզոֆագոգաստրոդուոդենոսկոպիա /անզգայացումով/
37.000
1704 Ոչ տոտալ կոլոնոսկոպիա
25.000
1705 Տոտալ կոլոնոսկոպիա
35.000
1706 Տոտալ կոլոնոսկոպիա /անզգայացումով/
60.000
1707 Ամբուլատոր պոլիպէկտոմիա կոլոնոսկոպի միջոցով
65.000
1708 Իլեոսկոպիա
40.000
1709 Մաքրող հոգնաներ կոլոնոսկոպիայից առաջ
2.000
1710 Օտար մարմինների հեռացում
100.000
1711 Թավիկավոր ուռուցքների և բազմաթիվ պոլիպների հեռացում
300.000
1712 Պոլիպեկտոմիա ստացիոնար պայմաններում
220.000
1713 Առաջին աստիճանի բարդության էնդոսկոպիկ բուժական միջամտություններ
100.000
1714 Երկրորդ աստիճանի բարդության էնդոսկոպիկ բուժական միջամտություններ
200.000
1715 Երրորդ աստիճանի բարդության էնդոսկոպիկ բուժական միջամտություններ
300.000
